Маркетинг агенцијата Република ја презеде одговорноста за грешката во владината кампања за Илинден, во која годината на АСНОМ наместо 1944, беше напишана 1945.
Во врска со идејните решенија и печатењето на материјалите за обележување на 110 годишнината на националниот празник „2-ри Август – Илинден“, информираме дека при печатењето на истите е направена ненамерна техничка грешка при која потенцирањето на одржувањето на заседанието на АСНОМ, стои годината 1945 наместо 1944 како што е правилно.
Информираме дека при забележувањето на ненамерната грешка веднаш е даден налог за соодветно да се преработи и реобјави целокупниот промотивен материјал за празникот Илинден и тоа агенцијата ќе го направи на сопствен трошок.
Замолуваме јавноста да го уважи нашето извинување и жалење за овој ненамерен пропуст, стои во соопштението.
