Mарихуана и пиштол без куршуми пронашла тетовската полиција при контролата на Опел Калибра со тетовски регистарски таблички што била спроведена утринава околу 3 часот информираше портпаролот на СВР Тетово, Марјан Јосифовски.
Според неговите инфрмации во паркираниот автомобил на булеварот Маршал Тито се наоѓале В.А.(21) од Тетово и М.Љ.(18) од Косово кој истовремено е и американски државјанин.
Кај косовецот биле пронајдени една зипер кесичка со засега непозната тревкаста материја и една цигара направена од истата материја додека под возачкото седиште бил пронајден пиштол непозната марка и калибар со оштетен сериски број но без куршуми. Одземените предмети ќе се вештачат, двете момчиња се приведени и задржани во полициска станица и по расчистување на сите поединости против нив ќе бидат поднесени соодветни поднесоци рече Јосифовски.