Потпретседателот на СДСМ, Дамјан Манчевски, по исказот во Обвинителството за „крвавиот четврток“, кажа дека секој момент е можно да се дадат гаранциите кај Ѓорѓе Иванов за доделување на мандат за составување на новата реформска влада.
Манчевски рече дека се подготвуваат гаранциите, но не даде конкретен одговор дали писмото коешто треба да се достави до Иванов е веќе напишано и дали нивните ставови се конечно усогласени.
Во врска со „крвавиот четврток“, Манчевски кажа дека детално објаснил што се случувало во Собранието и додаде дека се надева дека ќе има одговорност.
