Мамер: Урсула фон дер Лајен во Скопје ќе разговара за спорот со Бугарија

Од:

Портпаролот на Европската Комисија, Ерик Мамер, потврди дека претседателката Урсула фон дер Лајен идната недела во Скопје ќе разговара и за спорот со Бугарија, јави дописничката на МИА од Брисел.

Портпаролот не беше во можност да даде повеќе детали, и рече дека прашањата ќе бидат одговорени на прес конференциите кои ќе се одржат во регионот.

Фон дер Лајен од 28 до 30 септември ќе ги посети сите шест земји од Западниот Балкан почнувајќи од Албанија и Северна Македонија.

-Претседателката оди на Западен Балкан да ја потврди посветеноста на ЕУ кон регионот, ова се партнери на ЕУ со кои имаме многу силни врски и посетата ќе биде прилика да се разговара за овие односи вклучително и тоа билатерално прашање, рече Ерик Мамер, зборувајќи за македонско-бугарскиот спор.

Шефицата на Европската Комисија ќе го посети регионот една недела пред Самитот ЕУ-Западен Балкан кој ќе се одржи на шести октомври во Словенија со лидерите од регионот.

Од Европската Унија инсистираат дека овој самит нема да биде „самит за проширувањето“ туку прилика да се разговара за односите на ЕУ и регионот.

Би можело да ве интересира

Ѓоргиев: Еден член на Комисијата поднесе оставка, продолжуваме со работа

Ана Ололовска

Османи: МНР никогаш не вршело притисок по однос на содржината на разговорите и одлуките на историската Комисија

Ана Ололовска

Мешовитата македонско-бугарска комисија за историски прашања ќе го одржи 15. состанок

Ана Ололовска

Нов круг консултации со Софија до крајот на октомври, Скопје се надева на решение по изборите во Бугарија

Ана Ололовска

Стоев: Софија очекува конкретни чекори од Скопје за трајно исполнување на Договорот за добрососедство

Ана Ололовска

За Европската Комисија бугарските пасоши за македонски граѓани не се проблем

Ана Ололовска