Вчера во 14.30 часот во трговски центар на булеварот „Кузман Јосифовски Питу“ во Скопје, полициски службеници уапсиле 15-годишник од Скопје.
Тој, според полицијата дента околу 14 часот, по кратка расправија и недоразбирање поради девојка, со нож му нанел повреда на М.А.(18) од село Зелениково, Скопско, при што бил забележан и задржан од полициски службеник од полициската станица Центар.
Од него бил одземен ножот, а повредениот М.А. бил пренесен во Комплексот клиники „Мајка Тереза“ каде му била констатирана телесна повреда.
По целосно документирање на случајот, против него ќе биде поднесена соодветна пријава.
