Малолетник од гостиварското село Турчане во полиција пријавил дека вчера попладне додека бил во училиште бил повреден од негов соученик со остар предмет информираат од Министерството за внатрешни работи.
– На 11.02.2022 во 16.50 часот во Полициска станица Гостивар малолетник од с.М.Турчане, гостиварско, пријавил дека околу 15.25 часот додека бил во основно училиште, бил повреден со остар предмет од негов другар, со кого подоцна, во присуство на родител, е извршен службен разговор во Полициска станица Гостивар. Се преземаат мерки за расчистување на случајот, се вели во соопштението од МВР.