17-годишник од Косово со „ауди“ на крстосницата на улиците „Дринска“ и „Галичица“ во Скопје удри двајца пешаци по што 18-годишник е со потешки повреди. Другата повредена е 17-годишна девојка.
– На 15.02.2025 во 22.00 часот во СВР Скопје, било пријавено дека на крстосницата од ул.„Дринска“ и ул.„Галичица“ во Скопје патничко возило „ауди“ со скопски регистарски ознаки, управувано од 17- годишен малолетник од Косово, удрило во пешаците С.И.(18) и 17-годишна малолетничка, двајцата од Скопје. Во несреќата со тешки телесни повреди се здобил С.И., додека малолетничката се здобила со телесни повреди, констатирани во Градската општа болница „Св.Наум Охридски“, информираше МВР.
Извршен бил увид од увидна екипа на СВР Скопје.