Полициски службеници од ОВР Ресен денеска (18.02.2021) во периодот од 16 до 18.30 часот идентификуваа и извршија службен разговор со тројца малолетници од Ресен (двајца на 16-годишна возраст и еден- 14 години), соопшти полицијата.
Малолетниците се повикани во врска со објавениот видео материјал на социјалната мрежа „тик-ток“ на кое се гледа како се сквернават гробови во овој град.
Со малолетниците, во присуство на родител, е извршен службен разговор, а по документирање на случајот, во координација со надлежен обвинител ќе бидат поденесени соодветни поднесоци, велат од полицијата.