Првиот човек на Регулаторната комисија останува на функцијата. 39 пратеници од опозицијата беа за разрешување на Петров, а 56 народни избраници од власта му ја дадоа довербата да продолжи со работата.
„И покрај лагите и манипулациите на ВМРО-ДПМНЕ, граѓаните ќе добијат повисоки сметки за струја и парно и тоа поради криминалот во ЕЛЕМ и МЕПСО и тајните врски со Топлифијација. Регуларната може да влијае врз цената на парното. Ова што го говорите се гнасни лаги“, рече на крајот на дебатата Јани Макрадули.
Се покажа , рече, дека ВМРО-ДПМНЕ, гајле немаат за граѓаните, тие смрзнати се гушат, а профитот оди во џебовите на ВМРО-ДПМНЕ.
„Верувате во се што ќе ви кажат . Ви кажа Бранко дека имало на митингот 70.000 и вие му верувате. Ве излажа дека можете да победите . Нема ни пратеник ни градоначалник да бидете“, му реплицираше Ромео Тренов.
„Енергетската мафија набавува поскапа струја а тоа го одобрува партискиот војник, претседателот на Регулаторната комисија.Глупава ви е консатацијата дека причина за поскапувањето е продажбата на ЕСМ од пред 6 години.Високата цена е за да се полнат џебовите на енергетската мафија на ВМРО-ДПМНЕ. Престанете со глупостите“, рече Весна Бендевска.