Макрадули: Со совесни политики, во Скопје ќе се спасат 800 човечки животи годишно

Од:

Граѓаните на Скопје, особено на Гази Баба, се гушат во загаден воздух 20 пати над дозволеното, укажа кандидатот за градоначалник на Скопје, Јани Макрадули.

Состојбат, рече, е алармантна а тоа што е уште пострашно е фактот што ништо не се превзема, туку напротив состојбите се влошуваат.

Според анализата на Светската банка, во Македонија годишно умираат по 1.350 луѓе како резултат на загадувањето на воздухот со ситни честички. Кога би се намалило загадувањето, и тоа само до граничните вредности на ЕУ, би се избегнале над 800 смртни случаи, рече Макрадули.

„Овој град, со совесни политики, би спасил, на годишно ниво, 800 човечки животи. Животите на нашите граѓани немаат цена. Но ова загадување има. Тоа ја чини економијата цели 253 милиони евра годишно. Затоа денеска сме тука, пред еден од најголемите загадувачи на воздухот во Гази Баба и во град Скопје. Јани Макрадули се вклучува во борбата за почист воздух и почиста Гази Баба. Ваков загадувач, како што е Железара, мора да има прочистителни филтри. Во таа насока поднесовме и амандман за Буџетот со кој бараме 14 милиони евра, наместо за споменици, да се пренаменат, да се вложат во ваков прочистителен филтер“, рече Макрадули.

Град како Скопје, посочи, мора целосно да се гасифицира. Тоа ќе значи заштеда за граѓаните и почист град.

„Критичната состојба со зелените површини во градот мора да се надмине со воведување на нови и проширување на постојните зелени површини во градот за нови 1000 хектари. Новата градска власт ќе овозможи поврзување на зеленилото од парк – шумата Водно со градското зеленило и создавање на т.н. „зелени коридори“.Тоа се дел од проектите за почисто Скопје. И затоа: ги повикувам граѓаните на Гази Баба да се вклучат во оваа борба за почист воздух. За Скопје“, рече Макрадули.

Би можело да ве интересира

Шукова: Ние ќе воведеме ред, ќе ги засилиме инспекциските контроли и ќе обезбедиме одговорно одржување на јавниот простор

Горан Наумовски

СДСМ: Македонија е прва во Европа по изгорена територија во однос на површината, ова не е статистика

Горан Наумовски

Мицкоски сака обвинител под негова контрола, затоа се крие зад Левица, велат од СДСМ

„Идеа Лаб“: Успешно го организиравме ЕМОФ за што добивме потврда лично од претседателот на Европскиот олимписки комитет

Горан Наумовски

СДСМ: ВМРО-ДПМНЕ ја избриша лажната фотографија – Лефков и Мицкоски јавно да се извинат за лагите

Човекот на фотографијата што ја објави Лефков, не е приведениот за подметнување пожар, реагира СДСМ

Катерина Ѓуровски