Во он-лајн анкетата која што ја спроведе истражувачкиот центар на „Макфакс“, кандидатката на ВМРО-ДПМНЕ и коалицијата, Гордана Силјановска Давкова освои 40,6% од гласовите и е во блага предност пред кандидатот на СДСМ и коалицијата, Стево Пендаровски кој освои 36,9%.
Треторангиран според гласачите е кандидатот Блерим Река, кој е далеку зад нив со 4,7% од гласовите. 17,7% од гласачите се изјасниле дека нема да гласаат за никој од кандидатите за претседател на државата.
На анкетата одговорија 8388 лица, а беше спроведена на 15 веб страници. Според добиените податоци, над 66% од одговорите ги дале мажи, а приближно 33% биле жени. Анкетата стартуваше на 12 март на пладне и траеше точно 24 часа. Најголем дел од одговорите се добиени преку мобилен телефон (85%), а помал процент (14,7) преку компјутер. Најголем дел од одговорите ги дале лица на возраст меѓу 25 и 34 години.