Се работи за наши граѓани кои се наоаѓаат во Израел. Дел од нив се транспортирани со авион преку Тел Авив до Тирана, еден дел излегоа од Витлеем кон Јордан, но имаме уште граѓани кои се таму вели Премиерот Димитар Ковачевски објаснувајќи за македонските државјани кои се наоѓаат во Израел.
– На Амбасадата во Израел, сакам да им се заблагодарам, работат деноноќно. Имаа непроспиена ноќ и тие и и јас со оглед на големиот број на телефонски повици кои доаѓаат. Имаме дел од граѓаните кои се лоцирани, тоа се 50 државјани, имаме уште со кои не сме стапиле во контакт со нив и на тоа се работи. Сигурно бројката е поголема со оглед на тоа дека таму имаме студенти, градежни работници. Дел од нив може и не можат да ја добијат амбасадата, но кризниот штаб работи, мојот кабинет е вклучен, како и МНР и МВР. Се работи на тој дел на безбедно враќање во Македонија, рече Ковачевски.
Синоќа со посебен лет од Израел пристигнаа 40 албански, македонски и косовски државјани на аеродромот во Тирана.