Македонски печалбари ја блокираа амбасадата во Берн – во редици чекаат за патен лист со кој би дошле дома за празниците

Од:

Стотици луѓе во редици направија метеж пред македонската амбасада во главниот град на Швајцарија, Берн. Македонските граѓани велат дека се чекало со часови.

„Катастрофа. Со часови се чекаше. Толку многу луѓе се туркаа пред влезот на Амбасадата, среде корона“, вака реагираа оние кои чекале документи пред амбасадата.

За турканиците пред македонската амбасада информира и швајцарскиот портал „20 минути“, кој пишува дека пред Амбасадата интервенирала и полицијата, откако напливот на иселениците кои масовно бараат патни листови ја блокирал работата на Амбасадата.

Како што пренесува швајцарскиот медиум од минатата сабота, патниците на Северна Македонија не се веќе дел од карантинот и може да патуваат, но сепак им се потребни документи кои ги издава Амбасадата.

Портпаролката на полицијата, Рамона Мок, по интервенцијата на терен за „20 минути“ потврдила дека имало турканици, но дека состојбата за кратко била под контрола.

„Како и досега, реагираме на сите барања и ја контролираме состојбата. Бидете сигурни дека се одржува растојанието помеѓу луѓето и сите се опремени со маски. Во моментов полицијата е во контакт со амбасадата за подобро организирање и издавање на потребните документи“, изјави портпаролката Мок за овој швајцарски медиум.

Дел од македонските печалбари во Швајцарија покренале и онлајн петиција и собира потписи за подобрување на работата на македонската амбасада во Берн.

Би можело да ве интересира

Голем број богати Американци отвораат сметки во швајцарските банки

(ВИДЕО) Поплави во Италија, снежна бура на Алпите, падна еден метар снег, градови се отсечени

Швајцарија: Царините на САД се неприфатливи, но нема планови за одмазднички мерки

Милијарди евра руски пари се „замрзнати“ во Швајцарија

Заемот од централната банка од 50 милијарди франци ги зголеми акциите на Credit Suisse за 30 отсто

Горан Наумовски

Во Косово граѓаните повикани да носат маски и да се вакцинираат

Ана Ололовска