Грчката полиција, на граничниот премин Капштица на грчко-албанската граница, синоќа уапсила шесесет и шест годишен македонски државјанин, откако во задниот дел од комби возило, кое го управувал, открила 114 килограми марихуана.
Дрогата била пакувана во 104 пакетчиња. Освен дрогата и возилото од Македонецот, чиј идентитет не се наведува, биле одземени и мобилен телефон, две картички и 90 евра. Уапсениот ќе одговара за недозволена трговија со дрога.
Марихуната била албанско производство, а требало да заврши на грчкиот нарко пазар. Истрагата продолжува поради основани сомненија дека во шверцот на дрогата се вмешани и други лица.