Албанските медиуми пренесуваат дека Албанец од Македонија, кој со своето семејство живеел во Италија, го усмртил своето петгодишно дете со давење.
Бесарт Имери (25) во исказот пред полицијата го признал делото.
– Го задавив со мои раце, но не знам зошто, изјавил тој. Ноќта кога се случил настанот Имери сам се јавил во службата за брза помош, велејќи дека детето не може да дише.
Лекарот не успеал да му помогне на детето и забележал траги од насилство околу неговиот врат, по што пријавил во полиција.
Имери го зел детето за да прошетаат со автообилот каде што и го задавил, а потоа го вратил дома и повикал брза помош. Според медиуми, тој имал психички проблеми поради што пред неколку месеци го загубил работното место во фирмата каде што работел.