Македонска делегација на состанок со Комитетот за политика и партнерство на НАТО во Брисел

Од:

Во седиштето на НАТО во Брисел, денеска ќе се одржи редовниот годишен состанок на Република Македонија со Комитетот за политика и партнерство на НАТО.

На состанокот пред претставниците на земјите-членки на НАТО ќе биде презентирана Годишната национална програма за членство на Република Македонија во НАТО за 2012-2013 година, како дел од 14-от циклус на Акциониот план за членство.

Делегацијата на Република Македонија, соопшти Министерството за надворешни работи, на состанокот ќе биде предводена од државниот секретар во Министерството, Владо Мисајловски и државниот секретар во Министерството за одбрана, Петар Есмеров.

На состанокот, државните секретари ќе ги претстават стратешките реформски политичко-економски и воено-одбранбени цели и активности на Владата на Република Македонија, по сите 5 поглавја презентирани во Годишната национална програма за 2012-2013 година.

Со овој состанок ќе отпочне реализацијата на 14-от циклус на Акциониот план за членство на земјата во НАТО.

Би можело да ве интересира

Четири години од членството во НАТО – Земјава не е само фактор на стабилизација на регионот, туку и поттик за државите во соседството

ВИДЕО: 25 години од НАТО нападот на Србија

Катерина Ѓуровски

Отворен ден на АРМ по повод годишнина од членството на Македонија во НАТО

А1он

Допис од НАТО покажува дека Ковачки бил одбиен за безбедносен сертификат, тој вели: Не сум бил одбиен, ниту сум го повлекол барањето

Александар Тодески

НАТО: Продолжуваме да ја поддржуваме Украина и да ја зајакнуваме одбраната, Русија е најголемата закана

Романскиот претседател Клаус Јоханис ја објави својата кандидатура за шеф на НАТО