На листата на најсреќни земји, Македонија се најде на 84 место, а првото место повторно и припадна на Финска, додека во регионот е најдобро рангирана Словенија.
Резултатите од испитувањето на нивото на среќата во светот се објавени на страницата World Happines Report, а зад Финска се Данска, Норвешка, Исланд, Холандија, Швајцарија и Шведска.
Од земјите во регионот, Словенија е на 44 место, Србија на 70, Црна Гора на 73 место, Хрватска на 75, БиХ на 78, Северна Македонија на 84 место.
Унгарија се наоѓа на 62 место, Грција на 82, Албанија 107 место додека меѓу среќните земји се сметаат и Нов Зеланд (8), Канада (9), Австрија (10), Австралија (11), Луксембург (14). Велика Британија, Германија и Франција се наоѓааат на 15, 17 и 24 место, Русија на 68, а САД на 19 место.
Најлошо рангирани земји се Јужен Судан (156), Централната Афричка Република (155), Авганистан (152), Танзанија (153), Руанда (152) и Јемен (151).
Листата на најсреќни земји се прави врз основа на тоа колку граѓаните на една земја се задоволни. Истражувањето го спроведува мрежата на ОН за одржливи развојни решенија во соработка со Фондацијата Ернесто Или, а го спроведува група на независни експерти.