Србија на овогодинешниот извештај на организацијата Фридом хаус за слобода на медиуми напредуваше за едно место и се наоѓа во група на делимично слободните држави.
Србија годинава се најде на 74-то место, заедно со Унгарија и Црна Гора.
Словенија е на 40-то место и единствена држава од регионот која што во овој извештај се оцени како слободна.
Бугарија се наоѓа на 77-то место, Хрватска на 81, Грција на 83, а Албанија, БиХ и Косово се на 96-то место.
Македонија е најниско рангирана држава во регионот и се наоѓа на 120-то место, заедно со Турција.
Кога станува збор за источна Европа и Евроазија, Србија е на осмо место, додека најдобро рангирани се Естонија, Чешка и Словачка.
Држави во светот со најдобра слобода на медиумите се Норвешка и Шведска, кои го делат првото место, потоа Белгија, Финска и Холандија.
Меѓу првите десет се и Данска, Луксембург, Швајцарија, Андора, Исланд и Лихенштајн.
Елена Георгиевска