Во Скопје денеска ќе биде одблежан Денот на НАТО, односно денот кога пред 67 години беше формирана Северноатлантската алијанса.
На свеченоста во Домот на АРМ, како што е најавено, ќе се обрати министерот за одбрана на Република Македонија Зоран Јолевски.
На одбележувањето што го организираат Министерството за одбрана и Евроатлантскиот совет на Македонија, ќе бидат презентирани историјата, вредностите и целите на НАТО, како и значењето на евроатлантските интеграции за Република Македонија.
Денот на НАТО е настан што традиционално се одбележува во сите земји-членки на Алијансата, како и во земјите-партнери. На овој ден 1949 година, 12 земји, во Вашингтон го потпишаа Договорот со кој се конституира Северноатлантската алијанса.