„Македонија е грчка и нема компромис“ – Ова е видеото од „Златна зора“ во кое се фалат дека симнале македонски слики

Од:

Не може македонски слики да висат во Грција, посебно слики на личности како што е Сергеј Андреевски, кои ја поткопуваат грчката историја, се вели во дел од видеото кое е објавено на youtube.

На видеото се објавени и фотографии и постови од Фејсбук профилот на уметникот, а за кои членовите на Златна зора велат дека покажуваат дека  уметникот „го оспорува грчкиот карактер на нашата земја“

Истото ова стои и на плакатите кои маскираните членови на Златна зора кои ја прекинаа изложбата на македонскиот уметник и ги симнаа неговите слики од зидот, ги залепиле на влезот на галеријата.

-Се забранува секаква реклама или отстапување на јавен простор со пари од грчките граѓани за организации или личности како што е Сергеј Андреевски, кои ја поткопуваат грчката историја, ги отстапуваат нашите национални симболи и одобруваат криминал врз Грците, пишува на плакатот.

Во објавеното видео на т.н „Фронт на подмладокот- Златна зора“ тврдат дека „Златна зора ја запечати скопската изложба во Каламариа“, коментираат дека не прифаќаат никаков компромис за „грчкиот карактер на Македонија“, дека станува збор за „очигледен потсмев и навреда на националното чувство на Македонците“, а тие морале да „интервенираат“ и пред сѐ да испратат порака до грчките властите дека „ваквите провокации не остануваат без одговор“.

За инцидентот реагираа и од македонското МНР. Известени се и Генералниот конзулат на Северна Македонија во Солун и Амбасадата во Атина, кои веднаш стапија во директен контакт со надлежните органи на Грција, а за инцидентот е информирано и грчкото Министерство за надворешни работи, стои во соопштението.

Во текот на денешниот ден, во МНР е повикана и грчката амбасадорка Софија Филипиду, при што и формално ќе бидат упатени очекувањата од нашиот сосед да бидат преземени сите мерки за откривање и процесирање на сторителите.

 

Би можело да ве интересира

(ВИДЕО) Жена чудесно преживеа пад на балкон врз тротоар

А1он

Од 12 октомври влез во Грција според новите правила на ЕУ

Катерина Ѓуровски

Генерален штрајк во Грција, делумно суспендиран транспортот

Жена од Грција ја закопала мајка си во двор за да земa нејзината пензија

На плажа во Грција, девојче од Србија нападнато од волк: „Ја закачи со шепата“

Потрага во морскиот дел на Халкидики по македонска државјанка – пронајдена жива и здрава на копно