Затвореник избега од болница во Грција

Од:

Затвореник избега од Општата болница во Серес, во северна Грција, откако неговите соучесници, облечени како полицајци, ги разоружаа затворските чувари и го извлекоа од затворското возило, јавува грчката јавна телевизија ЕРТ.

Инцидентот се случи доцна синоќа по 23 часот, кога припадници на надворешното обезбедување на затворот „Нигрита“ превезуваа тројца затвореници до психијатриското одделение на Општата болница во Серес.

По пристигнувањето на затворското возило во кругот на болницата, вооружени лица облечени во униформи на специјалната полициска единица ОПКЕ (OPKE) и со маски на лицата излегоа од две возила.

Заканувајќи се со „Калашњикови“, тие го извлекоа од возилото 41-годишниот државјанин на Албанија, кој издржуваше казна за трговија со дрога и обид за убиство, а потоа побегнаа заедно со него.

Притоа, напаѓачите му го одземаа и оружјето на еден од припадниците на затворското обезбедување.

Грчката полиција започна опсежна потрага по избеганиот затвореник и неговите соучесници.

Според грчките медиуми, избеганиот затвореник важи за опасен криминалец.

Би можело да ве интересира

Фатена е криминална група во Солун – прошверцува над 17 милиони цигари

А1он

Во Солун уапсен маж кој се барал со меѓународна потерница за тешка кражба во Македонија

Грција ги забранува социјалните мрежи за лица помлади од 15 години

А1он

(ВИДЕО) Експлозија во Атина, повредени се најмалку четири лица

Гркинка остана без 40.000 евра и 100 златни монети – „ја прескокна“ првата, но „падна“ на втората измама

А1он

Грција и ги предава посмртните останки на цар Самуил на Бугарија

Катерина Ѓуровски