Македонија ќе добие 800 000 вакцини против Ковид-19, од производителот Фајзер, обезбедeни се вакцини за цела 2021 година, соопштуваат пд Министерството за здравство.
– Договорот беше дефиниран утрово во телефонски разговор на министерот Филипче и висок претставник на компанијата производител на вакцини против Ковид 19. Првите 5850 дози вакцини на Фајзер ќе стигнат во февруари, потоа ќе следува пратка со поголема количина во март, април, а динамиката за цела 2021 година дополнително ќе се утврди, велат од МЗ.
– Нашата земја навремено почна со подготовките за вакцинација против Ковид-19 и постоечката функционална и одлично поставена здравствена инфраструктура каде досега се врши вакцинација за други болести, е подготвена за имунизација против корона. Вакцината на Фајзер се чува во фрижидери на -70 степени целзиусови, а истите во нашата земја ќе пристигна месецов, се додава во соопштението на Министерството.
Регулаторните медицински агенции европската ЕМА и американската ФДА имаат дадено одобрение за вакцината на Фајзер.