Македонскиот државјанин Васе Игнатовски (22) од Пробиштип, бил пронајден мртов во понеделникот, околу 13 часот во една зграда во Подгорица.
Обвинителот Зоран Вучиниќ вчера дал наредба за обдукција, која ќе покаже дали младиот Васе Игнатовски починал од природна смрт, или трагедијата настанала поради некоја повреда.
Според неофицијални информации од полицијата, Игнатовски заедно со сопственикот на зградата тој заедно отишле на местото да се договорат околу уредувањето на канцелариите.
Тие, наводно, ја посетиле областа заедно, па по направениот договор сопственикот заминал, а Македонецот останал да провери што дополнително ќе треба да се направи.
Подоцна, некој од работниците, кои биле во близина, го откриле телото на Игнатовски како лежи неподвижено на една плоча.
Екипата на брзата помош кога пристигнала само констатирала смрт.
Се уште се чекаат резултатите од обдукцијата, но според првичните информации, немало знаци на насилна смрт.