Припадници на Министерството за внатрешни работи во Србија, Управата за криминалистичка полиција, Одделот за меѓународна оперативна полициска соработка (Интерпол), во соработка со полициски службеници од Управата за гранична полиција, го уапсија З.В. (1969), државјанин на Република Македонија, по кого е распишана меѓународна потерница на барање на Грција за издржување затворска казна од 16 години за кривично дело основање криминална организација со цел извршување на кривично дело компјутерска измама.
З.В. е уапсен на граничниот премин „Богоево“, на влезот во Србија, и постапката за негова екстрадиција во Грција е во тек, информираа српските власти.