Стотина Македонци кои живеат и работат во Велика Британија денеска ја изразија својата поддршка на граѓанските протести во Република Македонија.
Собирот започна во лондонскиот Хајд парк. Од таму групата граѓани и нивни пријатели се упати пред македонската амбасада каде на тамошниот претставник му предаде протестно писмо.
Меѓу другото Македонската заедница во Велика Британија бара:
Повлекување на одлуката за помилување на сите лица кои се под истрага или против кои се поведени кривични постапки од Специјалното јавно обвинителство, неотповиклива оставка на македонскиот претседател Ѓорѓе Иванов , повлекување на одлуката за парламентарни избори на 5 јуни
И воспоставување на преодна влада. Исто така се повикуваат меѓународните институции, пред се британскито министерство за надворешни работи, Европската комисија и Американскиот стејт департмент да се вклучат бо решавање на политичката криза во Македонија.
Иако најавуван немаше контра протест пред македонската амбасада во Лондон.
