Мајката на убиениот Пино бара санкции за инспекторите кои го водеа случајот

Од:

Маја Трпковска, мајката на убиеното 22-годишно момче Пинета Секондо, ќе поднесе претставка до Внатрешната контрола при Министерството за внатрешни работи и ќе бара да се санкционираат инспекторите Душко Лазаров и Слободан Наумовски кои го водеа случајот за исчезнувањето на нејзиниот син.

Трпковска вели дека на ваков чекор се одлучила бидејќи двајцата инспектори шест месеци не постапувале соодветно за да го пронајдат момчето.

„Душко Лазаров да биде избркан од работа и да каже како дошол до тоа работно место. А Слободан Наумовски, да одговара пред комисијата и да каже зошто не ги проверил камерите за надзор во „Тренд кафе“. Зошто Наумовски, наместо да си ја врши својата работа, тој седнал на кафе и не проверил ниту една снимка?“, вели Трпковска за „А1он“.

Од МВР велат дека биле превземени сите мерки за расчистување на случајот, и додаваат дека нивната ажурност се гледа од поднесената кривична пријава до Обвинителството.

„Во сите случаи каде граѓаните сметаат дека полициските службеници постапуваат несоодветно, случаите ги пријавуваат во Одделот за внатрешна, криминалистички истраги и професионални стандарди и доколку се утврди несоодветно постапување против истите ќе се превземат дисциплински мерки согласно Колективниот договор“, тврдат од МВР.

Трпковска од моментот кога исчезна нејзиниот син, па се до пронаоѓањето на неговото тело кон крајот на минатиот месец, обвинуваше дека Одделот за потраги при МВР не постапува, а инспекторите не се ажурни во истрагата. Таа велеше дека надлежните од МВР при овој оддел се криеле и не сакале да разговарат со неа, иако таа постојано им укажувала дека се сомнева во сега обвинетата Ангела Ѓеоргиевска.

Би можело да ве интересира

Спасовски сигурен за битката за уште еден мандат

Ана Ололовска

МВР работи на расчистување на случајот со пукањето во Палас, Спасовски бара поголема одговорност од обвинителството

Ана Ололовска

ВИДЕО: Над четвртина од вработените во МВР се жени, но се уште има разлики во систематизациската застапеност

Ана Ололовска

Спасовски: Само добро опремена полиција може да гарантира безбедност на границите

Ана Ололовска

Уапсено лице во чие товарно возило полицијата пронашла 30 мигранти

Ана Ололовска

МВР во соработка со германската полиција уапси криминалец со изречена казна затвор од над 32 години

Ана Ололовска