Мајката на исчезнатиот Пино најави протест пред Собрание

Од:

Мајката на 26 годишниот Пино Секондо, Маја Трпковска в понеделник пред Собранието, со почеток во 16.30 часот, организира протест со цел притисок врз надлежните институциите за пронаоѓање на нејзиниот син. Таа за „А1он“ вели дека е разочарана од досегашната истрага по Пино, за кој 73 дена нема слушнато никаква вест.
Трпковска, на мирниот протест ги повика семејствата кои имаат исчезнати деца или роднини да се приклучат и заеднички да кренат глас.

-Нема да се откажам од потрагата по мојот син. Низ невидена агонија поминувам. Не знам, како може полицијата да нема информации за случајот, а згора на тоа инспекторите кои го водат случајот повеќе не ми креваат слушалка, ме блокирале на телефоните. Не знам веќе каде да се обратам. Дали е ова држава? Не сум политичар, не знам да зборувам како нив, но ако имаат срце, нека се за ангажираат повеќе и тие се родители, луѓе пред се. Чувствувам дека моето дете е живо, затоа и се одлучив на овој чекор, да барам јавна поддршка, изјави Трпковска за „А1он“.

Инаку, таа додава дека Пино бил мирно момче, не се дружел со лошо друштво, вреден, комуникативен и ведар по природа. Последен пат, пред да исчезне излегол од дома со автомобил „Шкода Фабија“ со регистарски таблички SK 1566 AP. Два и пол месеци од тогаш нема трага ни глас од него, ниту пак е виден автомобилот.

Габриела Димковиќ-Мишевска

Би можело да ве интересира

Две верзии за целта на планираниот атентат во Грција: Ирански дисидент или израелски државјанин

Горан Наумовски

(ФОТО) Ја давеше, ја газеше по нозете, ја влечеше по асфалт и ја остави на сред улица – уапсен е син на инспектор во УЈП

А1он

МВР во 2026 сè уште работи со тефтери, Тошковски најавува дигитализација за три до четири месеци

За пет часа полицијата напиша 221 казна за пешаците во Македонија

А1он

Пораст на измами за сообраќајни прекршоци, МВР апелира на внимателност

Јанев за акцијата во Куманово: Криминалната група дејствувала повеќе од пет години