Политичката одлука на ВМРО-ДПМНЕ дали ќе влезат пратениците на дебата за уставните амандмани во Уставната комисија се уште не е позната. Не се знае и дали мнозинството ги има обезбедено 80 пратенички гласа за да се менува Уставот на РМ. Но, денеска, за кога Талат Џафери, кој е и претседател на комисијата, ќе се види дали ќе се тера промена на Уставот или, доколку не дојдат пратениците на ВМРО-ДПМНЕ ќе се распишат предвремени избори.
Доколку денеска се отвори дебата по четирите амандмани, ќе биде жестоко и интересно во Комисијата за уставни прашања во наредните максимум определни десет дена. Актуелниот и поранишниот претседател, Талат Џафери и Трајко Вељаноски ќе ги вкрстат копјата со свои аргументи.
И двајцата имаат долгогодишно парламентарно искуство и вештини. Магистерот по одбрана ќе му се спротивстави на правникот Вељаноски. Заменик на Џафери е Џеват Адеми, заменик на Вељаноски е Амди Бајрам.
Амандманите, како предлагач ќе ги образложи и брани премиерот Зоран Заев, но доколку дојде, ќе го слуша поранешниот премиер Никола Груевски, кој е член на Комисијата.
Комисијата инаку има претседател, шеснаесет члена и нивни заменици.
Членови освен претседателот и заменикот се: Бетиан Китев, Енес Ибрахим, Соња Мираковска, самка Ибраимовски, Лилјана Поповска, Сурија Рашиди, Никола Груевски, Трајко Вељаноски, Димитар Стевананџија, Нада Ципушева, Дафина Стојаноска, Иван Стоиљковиќ, Стојан Миланов и Фадиљ Зендели.
За понеделник е закажана и десетдневна парламентарна дебата.