Ноќеска околу полноќ во атарот на селото Мренога, општина Демир Хисар, при лов се случила несреќа во која еден ловџија го загубил животот, а друг се здобил со тешки телесни повреди, соопшти СВР Битола.
– При лов, лицето М.И. (69 г.) од село Мренога, со ловечка пушка ги застрелал својот син Д.И. (40 г.) и Александар В. (21 г.) сите од демирхисарското село Мренога. На лице место починал Александар В., додека Д.И. е тешко телесно повреден и е пренесен во битолската Клиничка болница.
Преземени се мерки за целосно расчистување на овој несреќен случај, потврди Магдалена Димитровска од Секторот за односи со јавност во СВР-Битола.