„Груевски вечер ќе ве поздрави. Ќе видите кога ќе се врати“.
Ваков допис стои на листот хартија пред пратеникот Хари Локвенец од СДСМ на денешната комисија за мандатно – имунитетни прашања, каде што се расправа за имунитетот на пратеникот Љупчо Димовски кој е под истрага за злоупотреба на службена положба и овластување за периодот додека бил министер за земјоделство шумарство и водостопанство.
Ова беше напишано откако излезе информацијата дека експремиерот, сега бегалец и азилант во Унгарија, Никола Груевски, попладневно ќе даде интервју за македонска телевизија.
На листот хартија запишани се и други забелешки во однос на имунитетот на Димовски, но откако се расчу информацијата дека Груевски дал интервју за македонска телевизија, беше допишана и забелешката дека „Груевски вечер ќе ве поздрави“.
По извесно време, тој допиша: „Ниеден од вас не го осуди бегството на Груевски, од човекот кој ве остави на цедило вас и вашата партија. Да ќе има правда и ќе има мир ако прекинете врз притисоците на судството и го оставите да ја работи својата работа. Со ова ваше однесување потврдувате дека е сторен криминал“.
Истото ова, Локвенец го кажа и на собраниската говорница.
Кристијан Ландов