Пожарот кај месноста Два пата во Струмица кој избувна денеска во 12.40 часот е локализиран во 16.05 часот, информира Дирекцијата за заштита и спасување (ДЗС).
Во гаснењето биле ангажирани екипи на Територијалната противпожарна единица, ЈП Македонски шуми и на ЈП Комуналец. Интервенирале и авиони на ДЗС, кои се повлечени од местото по локализирањето на пожарот.
На терен дежураат контролни екипи, а подрачното одделение на ДЗС е во постојан контакт со дежурните во Дирекцијата.
Локацијата „Два пата“ кај Струмица е блиску до местото каде што пред два дена во огнена стихија беа повредени 14 лица, од кои две починаа.
