Тимовите на „Лојал Грин“ во категоријата „Скопски автобуски хакатон“ и „Урбан лаб 1“ за „Паметна автобуска постојка“ се победници на натпреварот „Скопски автобуски хакатон“ којшто се одржа викендов во Јавна Соба во конкуренција од 35 учесници рапоредени во пет тимови.
Наградените ќе учествуваат на натпреварот на глобалниот хакатон за транспорт во Канада, организиран од Youth for Public Transport. Во своето решение, тимовите ја имплементираа и иницијативата за споделување возило, Social Car поддржана од програмата на Европска Унија Хоризонт 2020 при Град Скопје.
Целта на овој проект, според организаторот, директорот на ЈСП Скопје Игор Јанушев, е да се изработи софтвер за оптиматизација на возниот ред на автобусите на ЈСП со што би се намалиле турканиците во автобусите.
Во рамките на „Скопски автобуски хакатон“ беа одржани и дебати на тема „Сподели возило“, во рамки на меѓународниот проект Social Car.
