Пратеничката на ДОМ, Лилјана Поповска, се спротивстави на донесувањето на Законот за прекин на бременоста кој според неа е антицивилизациски.
Поповска од собраниската говорница рече дека не може министерот и комисија да одлучуваат во име на некоја жена.
– Рецептите на владиката Петар не смеат да поминат во ова Собрание. Јас ве замолувам да размислите уште еднаш кога влегувате во сево ова. Ова е уште една делба во Македонија, делба со штетни политички последици. Да не си го дозволуваме ова, ова е штетно за Македонија.
– Претпоставувам дека некој мисли дека ова е една од популационите мерки, не ова не е мерка за пораст на наталитетот. Пораст на наталитетот е нешто што се прави со стимулативни мерки, не со рестриктивни мерки. Ова е апсолутно погрешно. На Комисијата за еднакви можности се договоривме и сите заедно, позиција и опозиција, се согласивме дека е потребна ревизија на популационата политика, а дури потоа преземање мерки.
– Ова не е работа на коалиционен договор, ова не е работа за која што сме се договориле да го симнеме овој штетен закон, тој е антицивилизацикси, закон кој води кон тајни абортуси рече Поповска од ДОМ.