Општина Карпош доби благодарница од Градското здружение на ликовните педагози од Скопје, по повод активното учество во реализацијата на детскиот ликовен образовен камп „Вангел Коџоман“, кој се одржа во Струга од 23 до 30 јуни годинава.
На шестиот традиционален ликовен камп, меѓу останатите млади таленти учествуваа и 45 ученици од Карпош, предводени од наставниците по ликовно образование Илија Богоевски од ООУ„Јан Амос Коменски“, Лилјана Ружиновска од ООУ„Вера Циривири Трена“ и Марица Бакоч од ООУ„Владо Тасевски“.
Оваа благодарница претставува уште една јавна потврда за несебичниот ангажман и посветеност на локалната самоуправа во полето на образовниот процес и поттикнување на креативноста кај учениците кои имаат уметнички амбиции.