Подмладокот на ЛДП укажа дека премиерот Груевски едно ветува пред избори, а потоа друго остварува.
Во екот на кампањата премиерот Груевски гостувајќи на нему омилената Сител телевизија, по страотните слики од руинираниот студенски дом Гоце Делчев, вети дека после изборите ќе блесне со нов сјај.Од ветеното најголемо реновирање на студенските домови, реализирано е реновирањето само во рамки на студентскиот дом „Стив Наумов“ каде ќе можат да се сместат само 138 студенти, а повеќе од 5.000 студенти во скопските домови, ги чекаат соби со искршени чешми и приклучоци за струја, нечисти тоалети, испукани и влажни ѕидови и тавани, руинирани простории полни со бубачки, а неретко и глувци“, изјави претседателот на ЛиДеМ, Бобан Јанковски.
Укажа дека и во омилениот на ДПМНЕ, антички период граѓаните имале пристап до топла вода во јавните бањи додека за македонскиот студент во 21 век тоа е научна фантастика.
„ЛиДеМ е крајно разочарана од дволичниот и мазохистички однос на Владата кон студентите кои се иднината на овааз земја. Затоа уште еднаш го повикуваме Премиерот Груевски да ги посети овие ужасни живеалишта, а уште подобро да се обиде да преспиe макар една ноќ во некој од студентските домови, за лично да се увери во какви услови живеат студентите“, рече Јанковски.
