Либералната партија побара од Министерството за образование и наука да го стопира проверувањето на знаењето на учениците низ екстерно испитување.
Со екстерното испитување, велат од партијата, Министерството за образование и наука признава дека не е во состојба редовно да ја следи успешноста на наставниот процес.
– Тоа е внатрешен проблем на министерството, а не на учениците и наставниците. ЛП го разбира незадоволството на граѓаните и ги поддржува протестите на учениците, нивните родители и наставниците против екстерното испитување и го поздравува учеството во протестот – нагласуваат од партијата.
Екстерното испитување, велат од партијата, е механизам што ја обесмислувал редовната настава и проверката на знаењето и создавал дополнителни потешкотии пред сè за учениците, нивните родители, но и за наставниците.