Левица со поддршка за штрајкот на УПОЗ!

Од:

„Левица во целост го поддржува најавениот штрајк на гранскиот синдикат УПОЗ, кој е закажан да трае од 23 до 25 март и кој треба да кулминира со протест на 25 март. За нас, ова претставува автентичен изблик на синдикализам кој во нашето општество е систематски гушен, преку инсталирање на подобни и послушни кадри во синдикалните фотелји.

Застануваме во целост зад барањата на УПОЗ, особено зад барањето да се измени Законот за судска служба, во делот на начинот на одмерување и висината на предвидените казни. Во ова препознаваме уште еден начин за дисциплинирање и држење во покорност на судската администрација, чија професионалност и работничко достоинство свесно се ставаат во втор план, за сметка на владеачките интереси. „Сваровски судството” и доекипирањето на кадарот по партиски клуч е она што ги генерира лошите одлуки и задоцнетата правда.

Овој штрајк е предвесник на македонска синдикална пролет, која ќе ја врати довербата на работниците во синдикатите! Професионалните и чесни судски работници заслужуваат покачување на платите и надоместоците, а не казни!

Наши членови ќе изразат поддршка со свое присуство на најавениот протест на УПОЗ“, се вели во соопштението на ЛЕВИЦА.

Би можело да ве интересира

(ВИДЕО) Левица: Рудник на смртта над Иловица и Штука нема да има ️

Левица: ​​​​​​На граничниот премин Ќафасан – јарболот празен и државното знаме фрлено на земја

Предраг Петровиќ

Левица ги потврди носителите на листите за пратеници

Левица изрази сочувство до жртвите на терористичкиот напад во Москва и нивните семејства

Левица: До каде е исплатата на ветената финансиска поддршка за учениците?

Левица: Костовски од Бутел потрошил, речиси, 27.000 евра за четири дена снег