Работниците да се приклучат кон автономни синдикати за да ги бараат своите права, повикаа членовите на Левица од Куманово на денешната прес-конференција.
Први Мај, не е само ден на трудот, рече Никола Крстевски од Левица од Куманово, туку ден на интернационалната борба на работниците за поправичен свет. Кога зборуваме за работници, нагласи, не се тоа само луѓе во сини манитли во индустријата, туку работник е секој оној кој го продава својот труд за плата.
– Ги повикуваме сите работници да не се конфронтираат во дадената ситуација, туку да се активираат во услови кога платите на работниците доцнат повеќе од неколку месеци, кога работниците работат прекувремено без да добијат соодветен надоместок, кога не е испочитувано правото на породилно отсуство и ред други права немаме оправдување да бидеме сервилни и неактивни, изјави Крстевски.
Тој ги повика работниците да се организираат во автономни синдикати, здруженија, групи, во соработка со Левица, како што рече, единствената работничка партија во Македонија што придонесува за остварување на работничките права .Потсети дека Левица организира првомајски протест во Кавадарци ,додавајќи дека тој град е избран, бидејќи нивни член е избркан од работа поради синдикален активизам, а додаде дека денеска и во Скопје се одржува протест, организиран од неколку автономни синдикати.
– Ги повикуваме сите работници да ја остават скарата на страна и да ги побараат своите права, рече Крстевски.