Левица: Јаболкопроизводителите извисени од ДПМНЕ и Трипуновски – субвенциите не им се исплатени

Од:

Голготата на јаболкопроизводителите продолжува и со новата влада предводена од Мицкоски. Иако пред еден месец од страна на министерот Цветан Трипуновски беше објавено дека е исплатен 30% аванс од субвенциите, реалноста е дека поголем дел од производителите не добија ниту денар и сѐ уште нема одговор кога ќе се исплатат. Дополнително, за сезоната 2023-2024 година беа предвидени субвенционирања од 2 денари за предадени јаболка на регистриран откупувач, мерка која не ја опфати цела сезона, туку само до 15 јануари 2024, велат од Левица.

„Левица јавно го прашува министерот Трипуновски: Зошто нема мерка која ќе ги опфати производителите и количините што се предале после 15 јануари?! Не се исплатени субвенциите од 3 денари на 180 производители, кои предале јаболко на фирмата „Хераклеас” за сезона 2022/2023. Сведоци бевме дека министерот Трипуновски вети дека тоа ќе се исплати и дека ќе се исправи грешката која е направена, но и тие ветувања пропаднаа.

Агенцијата за финансиска поддршка на земјоделството и руралниот развој дополнително го отежнува исплаќањето субвенции. Како причина за ова тие наведуваат постоење на наводни долгови на земјоделците кон други државни институции – смислена манипулација со цел одложување или евентуално откажување на земјоделците од побарувањата кои им следуваат.

Јавно ги прашуваме министерот Трипуновски и директорот на АФПЗРР, Илија Стоилев:

– Дали во буџетот има предвидено пари за исплата на сите земјоделски субвенции по сите основи заклучно со 2024 година?
– Зошто не се решаваат проблемите во регистарот на должници поради кој земјоделците кои немаат долгови не можат да ги добијат субвенциите?
– Зошто не е воведен календар за исплата на субвенции којшто ќе овозможи земјоделците да ги планираат инвестициите во посев?

Хаосот во исплатата на субвенциите воведен од СДС и Николовски не смее да продолжи со неговиот наследник од ДПМНЕ – Трипуновски. Левица повикува коалицијата на власт да покаже доблест и наместо лажни ветувања, реално да се заложи за решавање на проблемите на земјоделците, тврдат од партијата.

Би можело да ве интересира

Мециновиќ: Народот ќе плаќа, тие ќе возат поршиња во Монте Карло – се задолжуваме за лагите на власта

Левица: Дали ВМРО-ДПМНЕ молчи за скандалите на ДКСК со цел да го заташка предметот со бугарската фирма на Јанушев?

(ВИДЕО) Крмов: Власта шверца долг од шест милијарди евра во рок од пет минути

Мицкоски: Истражните органи и Обвинителството да се произнесат за кривичната пријава против мене од Левица

Левица поднесе кривична пријава за Мицкоски за истрагата за трагедијата во Кочани

Левица: Сестрата на директорот на СОЗР во МВР – непотизмот царува во владата

Катерина Ѓуровски