Синдикатот на Клиники, според информациите на А1, денеска донел одлука, за стапување во генерален штрајк.
Ваквата одлука, според наши извори, ќе биде соопштена утре, на прес конференција.
Попладнево се очекува членови на Синдикатот да се сретнат со министерот за здравство Никола Тодоров.
Инаку на Клиники врие, лекарите речиси сите подржуваат своето нездоволство да го изразат преку штрајк.
Револтирани се од ниските плати, кои изнесуваат околу 550 евра. Дополнителен револт и нервоза создаде одлуката на министерот за плаќање по учинок.
Бараа или одлуката да се укине или да не „чепка“ во платата, по урнек на турскиот модел, каде има загарантирана плата.
Неофицијално се дознава, и дека синдикатот бара на казнетите лекари да им се вратат парите кои им беа одземени од платите.