Независниот синдикат на Клиничкиот центар на Македонија денеска соопшти дека на 24. септември започнуваат со штрајк поради незадоволството од висината на платите и воведениот учинок со кој се казнети над 400 лекари.
Одлуката за штрајк лекарите ја имаа уште вчера, меѓутоа почекаа да видат дали ресорниот министер ќе излезе во пресрет на нивните барања, што не се случи по средбата што ја имаше синдикатот со министерот Никола Тодоров вчера попладне.
Зад одлуката за штрајк потпис имаат ставено околу 90% од лекарите и во периодот по 24. септември ќе се примаат само итни случаи.
Освен целиот Клинички центар, од 24. септември во штрајк стапува и болницата „Бардовци“, институтот за ТБЦ, здравствениот дом „Железничар“, но и многу лекари од внатрешноста на Македонија.
