Лекарите од Клиниката за ортопедија за првпат пресадија коскено ткиво од починат дарител

Од:

На Клиниката за ортопедски болести е изведена првата трансплантација на коска кај 19-годишен пациент, а операцијата траеше пет часа. Кај младиот пациент е пресадена коска од починат дарител. Тимот хирурзи предводен од проф. д-р Милан Самарџиски и д-р Александар Трајановски ја заврши комплексната операција на замена на малигно променето коскено ткиво со здраво ткиво од починат донатор кај пациент кој се лекува од малиген тумор на коска, по претходно спроведена биопсија и хемотерапија. Ова е прв ваков тип на интервенција на замена на оштетено коскено ткиво со дониран алографт, велат од Клиниката.

Во тимот учествуваа и д-р Далип Јахја, д-р Милена Богојевска Доксевска, д-р Александар Савески, д-р Резеарт Далипи како и васкуларниот хирург д-р Никола Граматниковски.

Експлантацијата на коскените ткива се случи на 17 април, кога тимот хирурзи од Клиниката за Ортопедија предводен од д-р Александар Трајановски ја направи првата експлантација на коски и коскени ткива од починат донор. Сите експлантирани графтови беа микробиолошки тестирани и складирани за презервација на температура од -40 во Банката за коскени и меки ткива во склоп на Kлиниката.

Инаку коскените трансплантанти имаат огромен бенефит за пациентите и се користат кај оштетувања на скелетот предизвикани од бенигни и малигни тумори, состојби после трауми, последици од пропаднати ендопротези, вродени аномалии како и кај ред други заболувања кои прават оштетувања на скелетот.

Би можело да ве интересира

Експертска мисија на СЗО за поддршка на реформата на системот за подготвеност и одговор на јавно-здравствени вонредни ситуации во земјава

Ана Ололовска

МЗ: Првпат во земјава на ГАК извршен екстраперитонеален царски рез

Ана Ололовска

На Клиниката за кардиологија изведени први процедури на аблација на преткоморна фибрилација

Ана Ололовска

СЗО: Неопходна е подобра палијативната нега и пристап до здравствени услуги за повозрасните лица

Ана Ололовска

Клиника за хематологија: Мотивиравме 103 доброволци кои се подготвени да даруваат коскена срцевина

Ана Ололовска

Кардиологија: Работиме со целосен капацитет, пациентите да продолжат со својата рутинска нега на срцето

Ана Ололовска