На вчерашната средба помеѓу докторите специјалисти и министерот за здравство Тодоров било договорено спорниот модел на Плаќање по успешност да биде ставен во мирување во наредните неколку месеци.
– Преговорите се движат по конструктивна линија. Постигната е согласност по многу точки, останува да се допрецизираат уште некои барања кои ќе бараме да се задоволат како износот на платите и посуштинска корекција на моделот. Проектот во наредните неколку месеци ќе тече во одредена форма и услови така што нема да има повеќе казни. Остануваат уште неколку моменти за кои ќе треба да се договориме, но очекувањата се позитивни и се надеваме на конечен договор во текот на наредната недела – изјави Дејан Ставриќ претседател на Самостојниот синдикат на Клинички центар.
Ставриќ вели дека во последниот период и со започнувањето на преговорите, министерот Тодоров покажал флексибилност а со тоа и ќе се прекине штрајкот и здравството ќе излезе од ситуацијата во која се најде.