И денеска на 12-от ден од штрајкот, лекарите се невидливи за министерот за здравство, Никола Тодоров.
Самостојниот синдикат на Клинички и на другите здравствени установи поради молкот на Тодоров, ќе бараат средба со државниот врв.
Проблемот , кон крајот на неделава сакаат да му го изложат на претседателот Ѓорге Иванов, премиерот Никола Груевски, и првиот парламентарец Трајко Вељаноски.
Иванов, Груевски и Вељаноски ќе добијат т и соодветни подароци од лекарите.
Утре е 13-ти ден, но и празник и нема да се излегува.
„Продолжуваме со штрајкот, но и денеска сме изгледа невидливи. Штрајкот тече по предвидениот тек, но се игнорира и понатаму“, изјави Дејан Ставриќ, преседател на синдикатот.
Незадоволните граѓани, Ставриќ ги упати на адреса на Министерството за здравство затоа што, вели министерот ја презема одговорноста со својот игнорантски однос.
Лекарите бараат да се преговара со нив, бидејќи тие се репрезентативниот Синдикат, не се согласуваат со проектот-плата по учинок, како што сака да го спроведе министерството, и бараат зголемување на платите.
Освен на Клинички центар, се штрајкува и во други клинички и општи болници во Македонија, а се приклучуваат и медицинск сестри .
Од Синдикатот најавуваат и масовен штрајк, за кој се надеваат дека ќе биде видлив за надлежните.