Легализирале нелегален престој на 87 странци за „Лимак“, поднесени кривични од вработени во Агенција за вработување

Од:

Вработени во Агенцијата за вработување легализирале нелегален престој и работа на 87 странци преку издавање на обрасци за пријава на работа во турската компанија „Лимак“ која гради позади „Рамстор“. Министерството за внатрешни работи поднесе две кривични пријави против вработени во Агенцијата за вработување, кои ги сомничи дека сториле кривично дело злоупотреба на службена положба и овластување.

МВР тврди дека странците немале легален привремен престој во Македонија, а со тоа, не можеле ниту да засноваат работен однос. Со тоа, обрасците за пријава на работа на странци кои службениците ги издавале на „Лимак“ биле нелегални.

„Му овозможиле на правното лице да избегне плаќање на давачки кон државата по основ на персонален данок на доход и плаќање на давачки за придонеси по основ на задолжително социјално осигурување во износ од 593.056 денари, за која сума правното лице прибавило противправна имотна корист и воедно за истиот износ пријавените предизвикале штета на буџетите на Фондовите на Република Северна Македонија. Единицата за економски и компјутерски криминал при СВР Скопје поднесе кривична пријава против Н.М.(48) од Скопје и В.З.(60) од Скопје, двајцата вработени во Агенција за вработување“, велат од МВР.

На крајот од јануари, полицијата откри 97 градежници, странци без регулиран престој на градилиштето зад „Рамстор“, кај Стара железничка во Скопје. Непознато е дали тој случај е поврзан со злоупотребите за кои МВР поднесе кривични пријави. Тогаш, МВР најави дека ќе поднесе пријави против странците, фирмата каде работеле и 15 други фирми-подизведувачи.

Би можело да ве интересира

Уште се чека за пасош со месеци, постапката забрзана ама само за оние што имаат да платат 100 евра

МВР: Скопјанка нападнала новинар, но и полициски службеник

Тошковски: Управниот суд донесе пресуди со кои поништи три незаконски одлуки на Владата

Орце Костов

Убиениот лекар бил матичен од Железара – се прегледува видеонадзорот за да се најде убиецот

Анита Петровска Рајковиќ

Приведена тетовка барана со потерница

Уапсени двајца скопјани затекнати како се дрогираат во стан на дилер од Скопје – уапсен и дилерот