Општина Кочани до почетокот на овој месец извршила легализација на 2.500 дивоградби меѓу кои дивоизградени куќи, доградби и надградба на станови и деловни објекти.
Од вкупно поднесените 5.989 пријави досега постапката е завршена кај 45 отсто.
– Постојано работиме на легализација на дивоградбите. Нашите служби дневно комплетираат над пет барања што е во рамки на зацртаната динамика, изјави Петар Апостолов, секретар на Општина Кочани.
Тој истакнува дека околу 100 барања се одбиени поради неисполнување на потребните законски услови или дел од нив се некомпелтно доставени.
Најголем дел од дивоизградените објекти што се легализираат, се во градот Кочани, а помал се дивоградби во селските населени места во општината.