„Лед екран“ од 600 000 евра ќе се става на зградата на поранешна Комерцијална банка

Од:

На „Палатата АСНОМ“, позната на скопјани како поранешното седиште на Комецијална банка ќе се поставува лед екран за надворешна употреба. Владата за ова ќе потроши 37.800.000 денари или околу 615.000 евра.

Според огласот за избор на најповолен понудувач, на компаниите им е оставена можноста да ги достават своите понуди најдоцна до 11 јануари 2016 година. Оваа т.н. палата, лоцирана веднаш до новиот Уставен суд, во иднина ќе претставува административна зграда.

komercijalnabanka

Во внатрешноста на објектот се одвиваат реконструктивни работи. Македонската влада за првата фаза од адаптацијата и ентериерното уредување на просториите потроши 20 милиони денари, или околу 320.000 евра. За потребите на владините административци во изминативе месеци се уредуваше кујната и ресторанот од овој објект.

Идната административна зграда засега не е променета во „барокен“ архитектонски стил од проектот „Скопје 2014“.

Владата го купи поранешното седиште на Комерцијална банка во 2012 година.

А.Б.

Би можело да ве интересира

Арсовска го врати споменикот на Андон Лазов Ќосето

Шукова ја објави својата кандидатура за градоначалничка на Скопје

Пожар во центарот на Скопје, седум лица побарале медицинска помош

Земјотрес во Косово, почувствуван во Скопје

„Водовод“: Можни се појави на намален притисок и прекини на водоснабдувањето во одредени делови на Скопје

48-годишен маж пронајден мртов во стан во Скопје