ЛДП со реакција за Мислењето на Комисијата за спречување и заштита од дискриминација за вознемирување врз основа на политичка припадност

Од:

ЛДП инсистираше долги години на формирање независна и професионална Комисија за спречување и заштита од дискриминација, затоа што тоа е во кодот на нашето постоење и како членови и како партија. Комисијата ја има целата наша поддршка да работи по сопствено професионално наоѓање и ние ја почитуваме нејзината работа и ја повикуваме да биде уште поодлучна во својата мисија велат од партијата.

Тоа не нѐ спречува да изразиме изненаденост и крајно разочарување од Мислењето на Комисијата во кое се утврдува дека ЛДП како партија извршила “вознемирување врз основа на политичка припадност и други уверување” по претставката поднесена од Габриела Илиевска, врз основа објава на Фејсбук профилот на ОО ЛДП Битола.

ЛДП ниту била информирана за претставката, ниту е побарано мислење во текот на постапувањето на Комисијата. Воедно, правниот тим на ЛДП не може да определи од Образложението на Комисијата во која смисла на Законот за спречување и заштита од дискриминација е направено било какво вознемирување, со кое би сè овозможило да се преземат корективни мерки и во рамките на партијата и во рамките на општеството за да се реализира основната цел на законот, а тоа е да се делува превентивно за спречување на било каков вид на дискриминација во општеството и да се понесе лична одговорност за оние кои вршат дискриминација врз било кој граѓанин или граѓанка на Македонија.

ЛДП е партија која до крај ќе ги почитува правните и демократските механизми во државата, не бегајќи од никаква одговорност. Извинувањето или бришењето на објава е полесниот дел од работата, тоа можеме да го направиме и ќе го направиме со чувство на доблест и правичност. Но, нема да се откажеме од инсистирање на целосно разјаснување на случајот и на за нас спорното мислење и образложение на Комисијата.

Оттаму, ЛДП ја информира јавноста дека ги презема следните чекори:

1. Правниот тим на ЛДП ќе поднесе жалба до Комисијата за донесеното Мислење и ќе побара детално објаснување. За резултатите од процесот дополнително ќе ја информираме јавноста.

2. Согласно препораката на Комисијата, спорната содржина веднаш ќе биде отстранета од социјалните мрежи. Доколку во жалбената и евентуалната судска постапка се утврди дека содржината не била спорна согласно ЗСЗД истата ќе биде повторно објавена на социјалните мрежи.

3. Согласно препораката на Комисијата, ЛДП ќе упати писмено извинување до подносителот на претставката, воедно информирајќи го подносителот дека партијата го прави тоа почитувајќи ја Комисијата и институциите во државата едновремено поднесувајќи жалба на Мислењето на Комисијата за разјаснување на случајот и во насока на превентивно делување во општеството од сите чинители. Извинувањето во никој случај не може да се третира како одобрување на политиките, политичката активност и на способноста на подносителот за извршување на важната општествена функција, за која целосно го задржуваме правото на слобода на мисла и на говор без дискриминација.

4. Согласно препораката на Комисијата, ЛДП не само што ќе се воздржи од изразување на содржини кои предизвикуваат било какво вознемирување заснована на било која од дискриминаторските основи, туку и жестоко ќе инсистира никој во општеството така да не се однесува.

5. ЛДП ќе побара писмено објаснување од страна на Комисијата зошто воопшто нема реагирано по основа на допрен глас по канонадата на јавен говор полн со омраза врз основа на пол и политичко убедување на кое е изложена претседателката на ЛДП Моника Зајкова, во смисла на вознемирување и дискриминација согласно Законот за спречување и заштита од дискриминација.

Би можело да ве интересира

ЛДП со иницијатива: Да се воведат лековите со кои се врши медикаментозниот абортус на позитивна листа на лекови

(ВИДЕО) Вељаноски од ЛДП: Нашите либерални политики нудат прогрес, па ВМРО-ДПМНЕ ги преслика во нивната програма

ЛДП: Целосно поддржуваме рамноправно учество на жените во општеството и политиката

ЛДП предлага пасошите да важат до истекот на рокот со печат на Северна Македонија

ЛДП со реакција: Нападот врз полициски службеник е напад врз државата

Катерина Ѓуровски

ЛДП: Неодговорно е ВМРО-ДПМНЕ да учествува во техничката влада, да прави кворум, а да не гласа

А1он