Претседателката на Либерално-демократската партија и пратеничка во Собранието, Моника Зајкова, викендов во Битола на дел од основачите на партијата, Дејан Ристевски, Горан Савевски и Валентин Соклевски, им додели благодарници и пригодни подароци за нивниот особен придонес во растот на ЛДП.
Присутните Ристевски, поранешен градоначалник и советник од ЛДП и Савевски, поранешен советник и кандидат за градоначалник од ЛДП, по чинот на доделување, одржаа состанок со претседателката Зајкова и со Димитар Кузмановски, претседател на Општинската организација на ЛДП во Битола.
Претседателката Зајкова со цитат од Еленор Рузвелт упати посебна благодарност до членовите и истакна дека ЛДП навистина има многу луѓе со кои може да биде горда.
Савевски и Ристевски ја истакнаа својата благодарност кон она што ЛДП го направила за нив, но и тоа дека ќе продолжат и во иднина активно да учествуваат во работата на партијата, како на локално, така и на централно ниво.
