Либерално демократската партија е сериозна загрижена од фактот дека Државниот Универзитет, кој почива врз принципите на автономноста и секуларноста во своето работење, учебната година ќе ја започне со литургија.
ЛДП смета дека ваквиот начин на обележување на почетокот на академската година не е во согласност со Уставот во кој Македонија е дефинирана како секуларна држава и е во спротивност со статутот на универзитетот, според кој се забранува секакво политичко и верско дејствување.
„Со оглед дека Универзитетот е световна институција во која работат и се обрзоваат луѓе со различна вероисповед, недозволива и недолична е постапката на Ректорот со која тој во името на институцијата, ги повикува професорите на литургијата со што Универзитетот го става во верски контекст.На овој начин се нарушува приватноста на верските убедувања на професорите и студентите и се создаваат и продлабочуваат поделби , не само помеѓу припадниците на различни религии туку и на оние што се верници и оние што се атеисти“, стои во реакцијата на ЛДП.